Please use this identifier to cite or link to this item: http://localhost:8080/jspui/handle/1/3133
Title of the Question Document: Wanem aksen bae Gavman i takem Blong Kontralem misyus blong ol Gavman Vehicules?
Member raising question: Hon. Ralph Regenvanu
Date of question: 25-May-2010
Date answered: 2-Jun-2010
Minister/Ministry/Department: Hon. Edward Natapei, Prime Minister mo Minister risponsibol blong Pablik Servis
Full text of question and response: Mr Spika, Kwestin blong mi hem i long saed blong ol Gavman “G” mo “RV” trak we tedei long Port Vila yumi luk namba blong olgeta i kam antap bigwan, mo yumi luk tu se i gat misyus long fasen blong yusum ol trak ia. Yumi we yumi liv long Port Vila yumi stap luk ol “G” mo “RV” trak i ron long naet, oli ron long wiken, oli ron wetem ol famli, mo oli ron long praevet bisnis fulap. Fasen olsem ia we sam sivil seven i stap mekem hem i mekem se jenerol pablik long Port Vila oli filim se Gavman i stap kakae mane blong pablik tru long ol takis, be hem i no stap tingting hevi blong kontrolem gud hao hem i spendem mane ia bakegen. Long en blong 2008, afta we mi jas kam insaed long Palemen ia, mi bin askem Praem Minista long taem ia, olsem Minista risponsibol blong pablik sevis, wataem bae Gavman i adresem isiu blong ol Gavman trak ia. Long taem ia, Hon. Praem Minista i bin talem se Gavman “i stap lukluk long isiu ia”. Maet mi rong, be mi luk olsem i nogat samting i hapen kasem tedei. Folem ol lukluk ia, bae mi askem sem kwestin we mi askem long 2008 bakegen: Wanem aksen bae Gavman i tekem blong kontrolem misyus blong ol Gavman vehicles, mo wataem? Tankyu tumas . Tank iu long kwesten mo gud aftanun long ol Honorable Membas. Mr Speaker, long 2008 mo long 2009, sam MPs oli tokbaot strong ol concern long way we ol trak blong Gavman blong Vanuatu, olgeta "G" trak we ol man mo woman we oli wok blong Gavman oli no stap yusum stret blong wok mo plante taem public hemi stap luk olsem ol "misuse" nomo. Bagaken long sitting ia, yumi luk wan kwesten ikam long haos ia Mr Speaker, about wanem aksen nao Gavman bae hemi tekem blong controlem misuse blong Gavman vehicles mo wataem? Bifo mi ansa kwesten ia, mi wantem talemaot sam samting fastaem abaot gavman vehicles long Vanuatu. Ol trak blong gavman oli public property and oli stap truaot long Vanuatu, long evri province. Long ol community aotsaed long ol towns blong yumi, yu save faenem ol trak blong health, agriculture, public works, forestry, police mo plante moa. Hemi tru tumas se misuse blong Gavman trak hemi continue tedei. Yumi evriwan isave talem stret se last night nomo mo even this morning, ibin gat misuse long ol "G" trak blong gavman. Bat yumi save talem tu se plante moa man mo woman we oli wok blong Gavman oli gat gudfala tingting blong public accountability blong mekem sua se oli no foldaon long gudfala tingting blong lukaot gud gavman trak mo yusum nomo long proper work blong gavman. Olgeta political staff blong ol Ministries mo olgeta constitutional post holders oli no gat restriction long ol use blong trak blong olgeta so bae mi no ansa long ol kwesten long ol trak we oli gat ol "RV" namba plates mo tu ol trak we ol politicians oli stap yusum - even blong ol Honorable Ministers. Ol rule blong pern, yusum mo salem ol gavman trak hemi stap finis long Pablik Sevis Staff Manual blong olgeta public servants. Forom rison ia, mi wantem ansa nomo long issue blong ol public servants or olgeta permanent staff blong gavman. Blong pem trak blong gavman, ol "light trak" gavman ministry or department hemi sud pem trak blong deliverim programmes mo services we honorable house ia hemi authorisem tru long budget process blong hem. Mo oltaem ol public servants oli mas usum ol trak ia long safe manner mo mas folem ol laws blong Vanuatu. Use blong gavman trak hemi blong gavman bisnis nomo - nothing else. Olgeta we oli managem trak mo gat day to day and complete responsibility hemi olgeta DGs mo ol Directors so olgeta oli mas save olgeta rules mo regulations long use blong ol "G" trak. Igat wan Vehicle Management Committee we hemi set up long Ofis blong Public Service Commission we hemi blong lukluk mo apruvum evri kaen trak we Gavman hemi mas pern. Hernia hemi wan rule and sipos yumi lukluk long hao ol gavman ministries mo department oli folem procedure blong pern trak, yumi save lukim samfala samting oli stap wrong finis. Long 2009, ol record blong Gavman hemi showem se Vehicle Management Committee hemi lukim wan total purchase blong 35 niufala "G" trak. Long olgeta 35 niufala "G" trak ia, eleven (11) long olgeta trak ia, olgeta Ministries or departments oli by-passem or no folem stret road blong go tru long Vehicle Management Committee blong pern olgeta. So result blong hemi nao, for example why nao yumi gat tumas double cabin trak blong gavman oli stap long ol gavman ministries mo departments long Port Vila? Antap long hernia why nao ol double cabin trak ia oli "four wheel drive" ? 01 kaen trak olsem ia yumi nidim long ol provinces blong yumi bat why nao bae yumi nidim ol kaen trak ia long ranem ol gavman sevis long Vila taon or Luganville we ol rod oli gud istap? Olsem Prime Minister, mi tu mi mas askem ol kwesten ia so that olgeta long Vehicle Management Committee oli tingting gud long ol work blong olgeta mo no mekem se Gavman hemi stap pern trak forom laek blong wanwan man instead blong ranem service mo folem program blong work blong Gavman. Pablic Service rules hemi also allow for "pool" vehicles long wan Ministry. Hemi min se sipos wan ministry mo departments hemi stap long wan haos nomo (for example long Ministry blong Finance long Constitution Building), yumi save gat trak few trak nomo so that evri department long Ministry ia oli yusum wan or two trak nomo instead blong wanem we istap naoia. Olgeta long Department Foreign Affairs mo ol provincial gavman oli mas gat wan pool blong ol trak which means that tufala area blong Gavman oli mas gat plante moa trak blong yusum long ol work blong olgeta. So tufala oli special long way we Gavman hemi lukaotem olgeta long saed blong trak. 01 man mo woman we oli wok blong gavman oli: a) Mas gat stret authority or raet blong yusum G trak; b) Yusum wan G trak but oli no gat authority oli mekem wan wrong finis; c) Mo taem yu yusum wan G trak without authority hemi become wan disciplinary offence; mo d) Olgeta we oli yusum trak without proper authority oli save kat wan faen blong VT20,000 mo tu oli save gat further disciplinary action we Pulbic Service Commission hemi save tekem agensem officer ia. Responsibility blong governance blong ol "G" tgrak hemi stap long olgeta DGs mo Directors mo olgeta ia, oli mas tekem gud responsibility ia. So hemi no necessary blong Public Service or yumi ol politicians yumi mas stap afterem ol use blong ol "G" trak because sipos ol DGs mo ol Directors oli mekem gud work blong olgeta, bae yumi no lukim kaen fasin olsem ia. So samtaem, bae ofis blong mi hemi mas stap follow up mo mekem wok ia we ol DGs mo Directors oli sud mekem finis. Folem plante complaint last year, 2009, Ofis blong Prime Minister wetem help blong Police hemi bin mekem three vehicle checks long Vila nomo - one long March 2009, July 2009 mo Decemer 2009. Long March "G" trak check, mifala iholem taet seven (7) trak evriwan mo semtaem Public Service Commission hemi givim discipline long ol staff concerned. 01 trak ia oli faenem olgeta long road, long market, long ol stoa mo long ol nakamal. Oli faenem sam narafal trak we ol public servants, politician mo ol political staff oli ron long taem ia tu but ino gat eni action forom we long saed blong public servants -oli stap work mo long saed blong ol political staff, forom we ol pablik service rule blong use blong "G" trak oli no apply long olgeta. Long July 2009 checks hemi no showem plante misuse but long just one week blong December 2009, igat wan total blong one hundred and fourteen (114) incidents blong ol "G" trak we oli stap ronron without authorization. Long olgeta we oli gat ol infraction notis we oli sapos blong pem VT20,000 because oli misusum ol "G" trak without authorization igat wan total blong VT653,000 we ol public servants oli still owe to the Government blong Vanuatu as of tedei, 2 June 2010. Finance Ministry hemi stap aftarem ol mane ia mo Public Service Commission hemi stap wet iet blong lukim wanem results blong ol efforts blong Ministry blong Finance and then maybe bae igat further disciplinary action isave tekem place againsem ol public servants ia. Yumi gat lelebet legal difficulties forom we taem we civil servants oli challengem ol matters ia long court, yumi faenem se court hemi stap rule se samtaem ol staff ia oli stap pem maybe VTl,000 or VT2,000 nomo. But at the same time, mi save talem long Parliament se bae Gavman hemi still continue to faenem samway blong manage mol trak blong hem. Mi wantem talem tu se misuse ia hemi no happen long yumi long taon but ofis blong mi hemi harem ol cases blong misuse long TORBA mo long Tanna for example, long saed blong Public Works long Sola mo long Lenakel we ol staff oli yusm trak blong go drink kava after hours (but olgeta work blong fixim ol road oli stap outstanding) and tedei Director General concerned hemi stap tekem ol measures blong stretem ol fasin ia. Long April 2010, Public Service Commisison hemi askem finis ol infomesen long ol namba blong ol trak, hao mas mane stret badget mo hamas stret mane ol Ministries mo Departments oli yusum blong pern trak, maintenem olgeta, pern fuel mo tu blong lukim hamas oli stap long rural area. Purpose blong survey hemi tekem wan update information and then maybe lukluk bagaken long vehicle policy blong gavman. Tedei, Public Service Commisison hemi nogat gudfala response long ol Ministries but bae hemi work iet blong mekem se ol infomesen oli kam tru mo gavman bae hemi lukluk long ol options we hemi save mekem se misuse blong gavman trak hemi mas completely stop. Wanem nao bae Gavman hemi tekem blong controlem misuse blong Gavman trak? 1. Gavman hemi luksave se misuse blong Gavman trak oli mas stop; 2. Hemi putum ol responsibility blong management blong ol gavman assets long ol Director Generals mo ol Directors; 3. Any misuse blong ol "G" trak hemi problem blong ol DGs mo Directors and from today onwards, sipos hemi continue, bae olgeta oli accountable long hem; 4. Bae Public Service Commission hemi remindem ol public servants long duties mo responsibilities under long current rules mo regulations; 5. After long Public Service Survey long ol gavman trak, bambae Gavman hemi lukluk gud long wan revised policy; 6. Public Service Commission hemi lukluk long option se sipos at any time wan public servant hemi yusum "G" trak without authorization and hemi misusum, then maet hemi become wan serious disciplinary action; and 7. "Serious disciplinary" matter hemi save mekem officer concerned se oli sakemaot hem immediately long Vanuatu Public Service. Mr Speaker, mi encourage mol memba blong pablik blong ripotem long Public Service Commission sipos oli lukim ol trak oli ronron olbaot so that yumi evriwan isave help blong daonem rabis fasin ia. Mo mi assure Parliament se bae Gavman hemi tekem serious measures blong putum wan stop long misuse ia. Bae long second Ordinary Session blong Parliament blong 2010, bae mi save ripot back long mata ia. Thank yu Mr Speaker.
Link: http://localhost:8080/jspui/handle/1/3133
Sitting: First Ordinary Session of 2010
Language: Bislama
Appears in Collections:Written Questions and Anwsers

Files in This Item:
File Description SizeFormat 
Question and Answer.pdf1.06 MBAdobe PDFThumbnail
View/Open


Items in DSpace are protected by copyright, with all rights reserved, unless otherwise indicated.