Please use this identifier to cite or link to this item: http://localhost:8080/jspui/handle/1/3131
Title of the Question Document: Long Tuesdei 17 April 2012, gavman blong Vanuatu thru long Hon. Moana Carcasses, Minista blong finens, I pasem Bill blong Nasonal Bank blong Vanuatu (Restructuring) Act NO- 2012.
Member raising question: Hon. Paul B. Telukluk
Date of question: 2012
Date answered: 25-Apr-2015
Minister/Ministry/Department: Hon. Moana Carcasses Kalosil, Minister of Finance
Full text of question and response: 1 - PABLIK TENDA BLONG INKRISIM CAPITOL Spos gavman blong Vanuatu hem I wantem inkrisim capitol blong Nasonal Bank blong Vanuatu, from wenem nao, gavman blong Vanuatu 1 no mekem wan pabllk tenda o wan internasonal pablik tenda ? Mi anderstendem se sam komercial Bank blong oversis, oli kat interes blong invest long Nasonal Bank blong Vanuatu, bae Hon. Minista blong finens, I save confirm long wenem kritiria, hem I jusum Internasonal Finens Corporasen (IFC) mo Asian Divelopment Bank (ADB) blong oli kam. ol investa capitol blong niufala compani Nasonal Bank blong Vanuatu Ltd ? Mi anderstendem se everi pablik bisnis market blong gavman, ol projek oli mas ko thru long pablik tenda. From wenem nao, long wan bigfala issue blong salem ol share blong only commercial bank blong ol pipol blong Vanuatu, ol pipol oli no bin consulted folowem spirit blong CRP se gavman I mas kasem ol tingting blong pipol blong kat mandate blong mekem wan 180 degri chenj blong polici ? 2- KONTROL BLONG OL FORENA BLONG NIUFALA NBV LTD Hon. Moana Carcasses I talem aot se bae niufala Bod blong Nasonal Bank blong Vanuatu Ltd, bae I kat 7 memba mo tufala niufala Bank investa oli kat minority namba long 7-memba Bod wetem wan representative blong IFC mo wan representative blong ADB. Mi sori tumas se Hon. Moana Carcasses, i no save kaontem mo mislidim Parliament mo pipol blong Ripablik blong Vanuatu. Praevet sekta bae oli kat 4 representativ : - wan representative blong IFC - wan representative blong ADBWan representative blong Vanuatu Law Society. Wan representative blong Chamber blong Commerce mo Industri. Gavman blong Vanuatu bae ikat 3 representative : Wan representative blong Prime Minister. Wan representative blong Minister biong Finance mo Wan representative blong VNPF. 4 agens 3, I mekem se ol forena tru long praevet secta bae oli kat majority insaed long bod blong Nasonal Bank blong Vanuatu Ltd taem we oli kat 30% minority share. Hernia I some se ol negosiasen blong Minista blong Finance ino stret be favourem ol forena blong oli kontrolem ol asset mo manei blong pipol blong Vanuatu wetem wan smol investment capital. 3, SIPOS NASONAL BANK BLONG VANUATU I BANKRUPT, MINISTA I FRI O IKAT PANISHMENT? Naoia, sipos Nasonal Bank blong Vanuatu istap mekem profit. Tomorrow, ol investment loan we Nasonal Bank blong Vanuatu Ltd, bae oli kivim long ol richforeign direct investa blong international Finance Cooperation, bae I save mekem Nasonal Bank blong Vanuatu I bankrupt mo mekem we ol poor pipol blong Vanuatu bae I lusum ol asset mo manei blong olgeta. Olsem wenem, bae Minista blong Finance, bae hemi legally mo financially liable or no kat? Bae Minista blong Finance we I changem statutory bodi blong Nasonal Bank blong Vanuatu I kam wan Company Ltd bae I save ko long Kalabus o no kat from hem I tekem risk mo mekem Nasonal Bank blong Vanuatu I bankrupt? Mi wantem askem long Minista blong Finance sipos hem I pern wan insurance policy blong guarantee ol investment loan blong ol foren direk investas spos oli lusum manei o nokat. Bae hu bae I pern bak kaon blong ol foren direk investas Ikam bak long basket blong Nasonal Bank blong Vanuatu long taem blong disasta? Mi askem long Hon. Minista blong finens blong diklarem long Palement nem blong insurens company we I save guaranti ol fuja investment kaon blong ol forena long Nasonal Bank blong Vanuatu Ltd. on. Paul B. TELUKLUK Member for Malekula.. RESPONSE LONG WRITTEN QUESTION No 5 OF 2012 RESPONSE I KAM LONG IKO LONG QUESTION BLONG Hon. Moana Carcasses Kalosil, Minister blong Finance Hon. Paul Telukluk, MP blong Malakula 1 - PABLIK TENDA BLONG INKRISIM CAPITOL Olsem mi talem finis long taem blong presentesen blong Bill long Tuesday 17 April 2012, ibin kat consultesen we Kavman mo Bod mo Manejmen blong Bank imekem ova long wan period blong mo long tu (2) yia. Restructuring ia hemi folem nomo bigfala tingting blong CRP blong Kavman hemi fasilitetem finansel seves iko long rural area blong Vanuatu. Desisen ia hemi no wan 180 digri chenis blong polisi hemi in fact wan continuesen blong original polisi blong CRP. Restructuring blong capital blong NBV ino nidim wan tenda process, hernia hemi sovereign decision blong Kavman blong Vanuatu after we hemi skelem gud ol advantage blong exercise ia. 01 benefit blong tekem desisen ia ibikwan mo hemi inline wetem development policy blong Kavman blong tudei blong impruvum seves iko long ol rural eria. Itru ikat mo long wan komercial bank blong overseas oli interest blong pern aot NBV. Kavman blong tudei hemi kat 2 options: wan hemi blong salem aot part blong Bank, mo wan hemi blong salem aot full Bank iko long ol praevet investa. Long 1st option i gat possibility se gavman hemi still holem majority share while at the sem taem hemi tekem ikam insaid sam reputable multilateral finansel institution olsem IFC mo ADB we oli wok fulap long ol diveloping kaontri mo oli save gud ol issues long development. Main kraeteria blong acceptem IFC mo ADB from tufala iacceptem polisi we kavman hemi implementem tru long NBV: hernia blong provaedem seves iko long rural eria mo pies we ol narafala bank oli no interest blong sevesem. NBV hemi "Vanuatu's own Bank" mo hemi strong tingting blong Kavman blong tudei se bae hemi continue olsem. Tufala investa ia oli acceptem se NBV hemi save mentenem seves tru long ol branch we oli no komercially viable. Mo hernia ol narafala komercial bank oli no save mekem. Beis long assessmen ia, Kavman hemi disaid blong adoptem wan selective tender process we itaegetem ol investa ia nomo. 2 - CONTROL BLONG OL FORENA LONG NIUFALA NBV LTED Kontrol we yumi tokabaot hemi control we Kavman hemi kat tru long ol member we hemi appointem mo long niufala arranjmen Kavman hemi chusum fo (4) memba mo chairman bae hemi rep blong PM orMFEM. Hon. MP hemi shud be aware tu se bae Kavman hemi mekem sua se blong sam polisi desisen, tufala representetiv blong Kavman (PM mo MFEM) bae tufala ikat pawa blong veto. Hernia bae istap insaid long articles blong association blong NBV Ltd. Wanem we yumi wandem wetem restructuring ia se yumi leftemap standed blong Bank mo impruvum seves iko long rural eria. Mo gavman blong tudei hemi enkarejem foren investmen mo speseli public private partnership arrangement. Hernia ia hemi inlaen wetem CRP mo policy blong gavman blong tudei. 3. SIPOS NASONAL BANK BLONG VANUATU I BANKRUPT, MINISTA I FRI 0 IKAT PANISHEMENT Hon. MP hemi no understanem involvemen blong IFC mo ADB. Tufala ipem shea blong NBVL and NBVL ino kivim loan long tufala. Taem wan kampani hemi register under long companies Act, liability hemi limited long shareholding arrenjmen. Mi olsem Minister blong Finance mo responsible long NBV, mi implementem policy desisen blong Kavman blong tedei. Mi no mekem desisen ia, Gavman blong Vanuatu nao imekem desisen tru long Kaonsel blong Ministas. But mi wandem assurem Hon. MP se NBVL hemi no save bankrupt sapos hemi professionally managed mo Kavman ileko Bod mo manejmen I implementem policy blong Kavman but ino blong Kavman blong ko operetem Bank. From hemi ino folem CRP. Analysis we Ministry igat access long hemi soem se NBVL ikat wan shea blong market mo hemi kat ol products blong specific market ia mo ol narafala bank oli no offerem kind products olsem. Honourable Moana Kalosil CARCASSES (MP)
Link: http://localhost:8080/jspui/handle/1/3131
Sitting: First Ordinary Session of 2012
Language: Bislama
Appears in Collections:Written Questions and Anwsers

Files in This Item:
File Description SizeFormat 
Question and Answers.pdf192.07 kBAdobe PDFThumbnail
View/Open


Items in DSpace are protected by copyright, with all rights reserved, unless otherwise indicated.