Please use this identifier to cite or link to this item: http://localhost:8080/jspui/handle/1/3129
Title of the Question Document: Ol Chinese wokman we oli stap wok olsem ol "manual Labour" long ol praevet konstraksen kampani long Vanuatu
Member raising question: Hon. Ralph Regenvanu
Date of question: 2010
Date answered: 24-Nov-2010
Minister/Ministry/Department: Hon. Moana Carcasses Kalosil, Minister blong intenol Afeas
Full text of question and response: Mr Spika, Kwestin blong mi hem i long saed blong ol Chinese wokman we oli stap wok olsem ol “manual labour” long ol praevet konstraksen kampani long Vanuatu. “Manual labour” i minim ol wok we yu yusum man pawa nomo blong mekem, olsem wok blong digim graon, pusum wil-baro, stanemap bloks, mo ol narafala wok olsem. Long kwestin ia, mi no stap tokbaot ol Chinese wokman we oli wok long ol Chinese-fanded aid projek, be mi stap tokbaot espesli olgeta we oli wok insaed long ol praevet kampani. Wan gudfala eksampol long hernia hem i ol Chinese wokman we oli wok insaed long kampani Pierre Brunet Entreprise General, we oli bin wokem niufala Reserve Bank bilding mo naoia oli stap wokem niufala Complexe Tana Ruset long pies we Roger Brand i bin stap long hem fastaem long Melcofe, mo tu niufala Furet Building long pies we Roy Gallimore i bin stap long hem fastaem long Nambatu - tufala konstraksen projek ia i stap long Port Vila nomo. Mi pulum atensen blong Honorabol Haos ia long seksen 7 blong Labour (Work Permits) Act [Cap 187], we i talem se bifo Komisina blong Leba i save apruvum wan wok permit blong wan forena i kam wok long Vanuatu, Komisina i mas mek sua fastaem se: 1) kampani i advataesem wok ia finis long Vanuatu, mo 2) wan lokol ni-Vanuatu we i save mekem wok ia i no aplae from, mo 3) wan lokol ni-Vanuatu we i save mekem wok ia i no stap lukaotem wan sem kaen wok olsem, mo tu 4) Komisina hem i mas protektem lokol mo nasonal intres. Folem loa ia we i stap, mo tu folem lukluk se ol Chinese wokman ia i stap mekem wok we ol ni-Vanuatu oli stap mekem finis long taem long kantri, mi wantem askem long Minista se hao ol praevet kampani olsem Pierre Brunet Entreprise General i save employem ol Chinese wokman blong mekem “manual labour” long saed blong konstraksen mo no brekem loa blong kantri? Tankyu tumas mo saen, WRITTEN ANSWER I kam long: Hon. Moana Carcasses Kalosil, Minista blong Internal Afeas, [MP blong Port Vila] I go long: Hon. Ralp Regenvanu, MP blong Port Vila Long saed blong: 01 Chinese wokman we oil stap wok olsem ol "manual labour" long ol praevet konstraksen kamoanl lone Vanuatu Mr. Spika, Tangkyu tumas long Honourable Memba blong Port Vila long kwestlen blong hem. Honourable memba hemi yusum example blong of Chinese wokman we oli wok long ol praevet kampanl and heml specifically polntemaut kampani blong Pierre Brunet Entreprise General we hemi employem ol Chinese we oli stap wokem ol wok olsem we hemi bin rifer long hem se oli yusum manpawa blong digim graon, pusum wil-baro, stanemap bloks mo ol narafala wok. Honourable memba hemi rifer tu igo long Labour Work Permit Act [CAP. 187] blong kwestienem pawa blong Kominlsa blong Leba long samfala criteria we hemi nid blong fulfllim bifo hemi save issiuim wan work permit mo blong Komlsina blong Leba i mas protektem lokol mo naseonal Intres. Kwestlen Mein kwestien blong Honourable memba hemi stap askem se"hao nao ol praevet kampanl olsem Pierre Brunet Entreprise General I save employem ol Chinese wokman blong mekem "manual labour'' long saed blong konstraksen mo no brekem loa blong kantrl" Ansa Labour Work Permit Act hemi very clear mo hemi givim Komisina blong Leba pawa blong administretem ol requirements ia we i stap Insaed long seksen 7 and in particular sub-seksen we i talem se Komisina i mas protekem lokol mo naseonal interes. 01 narafala requirements long saed blong advertlsem wok mo no wokem wok we wan ni Vanuatu i save wokem hemi straight forward nomo. Be long context blong particular case ia, wonem we hemi moa impoten nao hemi seken we hemi givim raet blong Komisina blong Leba blong hemi save lukluk long olgeta requirements ia we hem hemwan (he considers) hemi conslderem se hemi relevant and wan long olgeta nao hemi blong hemi fokas moa long proteksen blong ol lokol mo naseonal intres. Nao, long sem seken ia I talem tu se Komislna blong Leba i mas karem employment rikod blong employer blong employer i explenem from wonem hemi nid blong mas employem wan man ovasi blong kam tekemap wok ia. Mo hemi stap askem tu abaut wonem nao professional o technical qualification mo experience blong prospective wokman la. Long context blong Labour Migration, bae yumi no save stopem kaen trend olsem from iven ol most developed kantri tu oli karem ol man narafala kantri blong kam wok long kantri blong ol long ol wok we ol man pies oli save wokem. Long kes long Pierre Brunet Entreprise General, hemi bin stat Iongl983 mo hemi employem up to 50 ni Vanuatu mo hemi currently employem up to 25 Chinese. Bifo 1983, late Pierre Brunet hemi faenemaut afta we hemi traem sam Chinese wokman se wok "conduct" blong wan Chinese hemi gat bigfala difference long saed blong productivity tru long performance blong hem taem we yumi komperem wetem wan ni Vanuatu, even long ol "manual labour". Pierre Brunet Entreprise General hemi invest blgwan long Vanuatu mo hemi bildim ol bigfala building olsem we Honourable memba hemi rightly talem. Long ripot we Pierre Brunet Entreprise hemi provaedem I kam long Leba Komislna folem requirement blong seksen 7 blong Labour Work Permit Act [CAP. 187] sincel983 kam kasem tedei, hemi yusum justification se blong hemi manej blong save growem bisnis blong hem long saed blong konstraksen, hemi nid blong mas mitim required time frame anda wan contract blong wok we hemi saenem wetem client blong hem. Ol clients blong hem oli ol reputable clients olsem WesPac, Telecom, ANZ Bank, Bred Bank, Sebel mo Reserve Bank. Long argument blong hem, oltaem bae hemi talem se hemi mas yusum ol Chinese wokman from ol following risen ia; Conduct Blong Wan Chinese Woka Conduct Blong Wan NI Vanuatu Woka Chinese 1 kam long wok long stret time. Ni Vanuatu i let oltaem. Chinese 1 no gat tumas sick leave, ino askem spel from mared o ded-long famli Ni Vanuatu i tekem tumas sick leave mo askem tumas spel blong mared o ded long famlll Chinese i wok long Pablik Holidei mo kasem extra pay Ni Vanuatu i prifer blong tekem holidei Chinese 1 wok long Satedei mo Sunday Ni Vanuatu i no wantem wok long weekend Chinese 1 save wok long ol high storey building. Ni Vanuatu i fraet blong ko antap mo Ino sef taem oli hafhaf silip from kava Chinese ino drink Kava Ni Vanuatu i drink tumas kava Chinese is save wok long ol"flexy" hawa mo mekem overtime Ni Vanuatu i mas finis nomo long 4.30 mo mo save wok extra blong mekem ova taem Chinese i lukautem gud ol tul blong wok Wetem ni Vanuatu, ol tul i brok o oli stilim Taem we yumi mekem com pa risen long ol performance blong tufala grup la bae yumi save andastandem clearly hao Komisina blong Leba hemi stap administretem wok blong hem. Yes hemi tru se Komisina hemi folem wan rlsenlng we long aplrens blong hem, heml luk olsem heml agalnsem Interes blong man Vanuatu. 1. Komisina hemi stap tekem se tru long ol desisen blong hem ia, hemi stap protekem naseonal interest blong growem konstraksen sekta we i mekem se Pierre Brunet hemi save re-invest bageken long kaontri wetem billions of vatu project we i stap klrap naola long Melcoffe (ex-RogerBrand). Ml agri se 'Interest' long context blong leba heml mas minim creation mo proteksen blong wok blong ol man pies, long pies we ol man pies oil save wok long hem. Tudel, craem heml stap go andap from ol smol man pies, oil no gat wok long taon, Ml agri tu se taem komisina heml talem se heml stap helpem konstraksen sekta, ml tlnk heml no stap directly long jurisdiction blong Labor, be moa long field blong Economic Management Authorities. Yumi save tu se ol Inkris blong Economic growth blong yumi oil mainly located long field blong construction, mo Real Estate (wetem Turlsm), be Construction mo real estate hemi mainly owned by ol foreigners. 2. Komisina hemi talem se hemi mekem sua se namba blong ol nl-vanuatu wokman hemi stll hae bitlm ol Chinese insaed long Pierre Bruent Entreprise blong protekem lokol interest. National mo lokol Interest hemi no blong namba blong Chinese heml smol compare long namba blong nl-vanatu wokman, be hemi blong Chinese (or foreigners) oil no tekemaot long ol man pies ol wok blong olketa. 3. Komisina hemi stap talem se Vanuatu wok man oli lanem fulap niufala skills mo jensem fasen blong wok tru long experience we oli karem long ol Chinese blong protekem local interest. Even we heml responsibility biong yumi evrlwan blong developem skill blong ol woka blong yumi, Tranlng, mo Capacity Building hemi festaem responsibility blong Education, mo hemi secondary but no main responsibility blong Labor. Therefore, Mr Spika, olsem Mlnlsta responsible long Leba, ml wantem endem ol ansa blong ml blong talem olsem se ml luk save ol konsens blong MP Regenvanu, mo ml agri se even we hemi might tru se Komisina hemi no brekem Law blong Leba taem hemi grantem work permit long ol Chinese we oil kam wok blong Pierre Brunet Entreprise General, ol desIsen blong komlsina blong Labor oil no stop tumas long labor interest blong ol man Vanuatu, mo heml rldluslm employment market long ol local wokman, mo plenty long ol rlsens (see table above) blong hem nao heml long benefits blong constructa, be Ino blong wokman Vanuatu. Be mi wantem assurem MP se Ministry blong mi heml stop lukluk long Issue la.
Link: http://localhost:8080/jspui/handle/1/3129
Sitting: Second Ordinary Session of 2010
Language: English
Bislama
Appears in Collections:Written Questions and Anwsers

Files in This Item:
File Description SizeFormat 
Question and Answer.pdf245.27 kBAdobe PDFThumbnail
View/Open


Items in DSpace are protected by copyright, with all rights reserved, unless otherwise indicated.